全天候 KART 場

KART 仔新焦點！

每逢假日到深圳的香港人數以萬計，當中有 Shopping 、有落 Disco ，仲有班青年人都好鐘意到深圳玩 KART 仔！但係家陣深圳大大小小有好幾個 KART 仔場，當中有室內及室外兩種。

而今次為大家介紹『馬特龍賽車俱樂部』位於深圳建設路友誼多層停車場，離開關口步行約十分鐘左右就到，極之方便，搭的士都唔駛跳錶。想知就咪錯過介紹！

　

點解咁「正」？

呢個由兩層停車場組合而成之賽道，面積達 6,000 平方米，而呢個場仲係全天候，唔駛擔心落雨或太陽曬！任何天氣都可以玩。『馬特龍賽車俱樂部』配備 20 台由澳洲生產卡丁車 ( KART )，最高時速可達 60km/h，無論你是新手或老手，來到一定有所驚喜。

　

齊齊「WET」！

約埋三五知己到馬特龍，可利用場地提供 DORIAN 計分系統，玩番場「友誼戰」，以電腦及國際 F-1賽車比賽標準計算圈速，一較高下，輸贏都可到場內附設寬敞優雅的酒吧休息飲番杯。

每逢假日馬特龍都擠滿人，一般要輪候三十分鐘左右，而平日比較少人玩，如果平日有假期去玩，可以玩得更自由自在。車場營業時間至凌晨兩點，小心玩到上癮趕唔到尾班火車番香港！

地址：深圳市建設路友誼多層停車場七、八層
電話：0755-2280319
傳真：0755-2280320

　

酒吧地方寬敞，最適合成班 Friend 傾車經。 上斜轉急彎極之刺激，挑戰技術同膽量。

　

備有進口卡丁車，最高時速達 60km/h。 下坡轉急彎，稍一不慎便知味道。

　

建設路友誼多層停車場外貌。 賽道設計以直路短，彎路多，技術要求高。

圖、文：民榮

　

回頁首

請按此處返回目錄!
   
1998-2001 Copyright CAR BOARD. All rights reserved.