新時代、新科技

現今社會樣樣都要講求效率，就以晒相為例，早幾年1小時都己經好巴閉，而家廿分鐘左右就搞掂，有時科技唔到你話唔服!
好似今次為大家介紹六十分鐘急救車身大法咁！亦利用先進科技及多年研究而成，命名為『ChipsAway』修護系統，ChipsAway 專治一般車身常見......(如碎石花點、刮花、磨損、生銹及泵把等輕微程度 ) 損毀。 都可以於六十分鐘內回復原狀，的確神奇，唔親眼睇到都未必會相信!

見證六十分鐘修補車身

為見證呢個快速修補車身技術，採訪當日，準備一部尾泵把已刮花 里程2.5TL 為大家示範，車身顏色為香檳金，由於含金色底顏色會比較難調色，但對於 ChipsAway 來講就完全「冇問題」，事關 ChipsAway 擁有超過二萬八千多種唔同車廠出產的車身顏色紀錄以及過百種油漆調色(俗稱校油)，再加埋經驗豐富技師「操刀」，一個鐘頭後再睇個尾泵把，嘩!真係搵唔到D瑕庛，真係利害!

方便、快捷

一般車房噴油以一條尾泵把計，都要成過千蚊，莫講話番大廠噴，分分鐘貴成倍！仲要放低一兩日，要用車就唔多方便，仲有 ChipsAway 亦唔主張將修補處之零件拆出，盡量保留原裝美為原則，不拆任何一口鑼絲，亦都可以幫你架車回復原狀，都係收幾百蚊! (視乎損毀情況而定)

追擊六十分鐘還原靚靚大法

1. 修補前

2. 磨滑(除去多餘物質)

3. 上灰

4. 再磨滑(令表面更為平滑)

5. 噴底油

6. 噴油

7. 完成修補後